No noso departamento de comunicación entendemos aos medios para que os medios te entendan.
Xestionamos a comunicación da túa empresa e dos teus espectáculos cos medios, a través dunha relación fluída. Facemos chegar os teus comunicados á mesa dos xornalistas nas mellores condicións e seguimos o resultado.
Elaboramos as túas revistas, folletos, catálogos, programas de man, etc, creando contidos e aplicando o mellor deseño para satisfacer as túas necesidades desde o momento da concepción ata a súa impresión final.
Creamos, deseñamos e mantemos o teu sitio en Internet, facéndoo atractivo e accesible desde as últimas ferramentas de redes sociais, para que a túa proposta chegue ao público de xeito directo.
Construímos unha identidade impactante que identifique a túa empresa, os teus produtos e espectáculos no primeiro vistazo, e aplicámola aos teus carteis, folletos, merchandising, etcétera.
Analizamos as túas necesidades e adaptamos as nosas propostas ó que nos pides. Estamos en contacto permanente contigo a través de todos os medios ó noso alcance alcance (teléfono, mail, skype).
Contacta con nós en comunicacion@emedous.com
Na actualidade, calquera produto cultural ten que mostrarse visible nun mercado cada vez máis cheo de ofertas. Xa non abonda con producir espectáculos: tamén hai que saber comunicalos. En Eme2 coñecemos a importancia dunha imaxe sólida e impactante, dunha relación máis directa cos medios, co público e cos teus clientes, dunha estratexia de comunicación coherente, personalizada e planificada desde o primeiro momento, para que a túa mensaxe, a túa idea, se poida abrir paso e se consolide no mercado. Desde Eme2 queremos axudar a que as túas propostas cheguen o máis lonxe posible por medio dunha difusión axeitada.
Emedous elabora para a Axencia Galega das Industrias Culturais a revista Ao Vivo Música, coa que se pretende apoiar aos grupos integrados dentro da Rede Galega de Música ao Vivo, e que se distribúe gratuitamente nas salas adheridas a esta programación. Bandas como Aíd, The Blows ou Niño y Pistola pasaron xa polas páxinas da publicación.
Encargámonos da comunicación de compañías punteiras como Teatro del Temple, que, con espectáculos como Luces de bohemia ou El Buscón se converteron en referentes estatais.
Eme2 levou a cabo a produción da Mostra Internacional de Teatro de Ribadavia en 2008, e, con ela, o seu traballo de comunicación, creación de identidade corporativa, deseño e xestión da web, cartelería, programas e demais material gráfico, relación cos medios...
Eme2 tivo a ocasión de colaborar coa Secretaría Xeral de Política Lingüística no eido da comunicación con motivo do programa Bocaberta. Foron 747 actividades as realizadas en colaboración con 14 empresas, cubrindo todos os concellos de Galicia co obxectivo principal promover entre os mozos e mozas de 3 a 18 anos unha imaxe positiva do idioma galego. Eme2 xestionou para este programa o gabinete de prensa e a elaboración de pezas gráficas e audiovisuais.
RSS